Porgramaçon

Las atebidades, porgramas de atebidades i fins de semana temáticos ténen ua çcricon amenudada de ls serbícios cuntenidos, précios i outras anformaçones, de maneira que ls participantes dében ler ls itens çcritos antes de fazéren las sues scuolhas.

Reserbas

• Las reserbas de atebidades, porgrama de atebidades i/ó finales de semana temáticos dében ser feitos antes de l tiempo (10 dies ne l mínimo);
• Todas las reserbas stan assujeitadas a la çponiblidade de la Douro Pula Canhada;
• L númaro mais pequeinho de partecipantes por atebidade, porgrama de atebidades i/ó finales de semana temáticos ye de 2 adultos, a nun ser pa l Team Building, que puoden ser 5 partecipantes adultos;
• Las atebidades de Bird Watching i Touring subre 4 Ruodas stan ambas cuntenidas a un mássimo de 8 partecipantes;
• La duraçon de cada atebidade debe ser eigual ou superior a ½ die, sendo l custo de la atebidade cuntablizado por eigual período de tiempo;
• Las atebidades de ½ die dúran antre 3 a 4 horas, anquanto que las atebidades de 1 die dúran antre 7 a 8 horas;
• Puoden ser scolhidas bárias atebidades solas, nas cundiçones atrás screbidas, se l tiempo que un quejir para fazer las mesmas fur cumpatible cun la çponiblidade de la Douro Pula Canhada;
• Nas reserbas de mais do que 1 porgrama de atebidades, estes seran feitos an partes, se l tiempo pretendido para fazer ls mesmos for compatible cun la çponibilidade de la Douro Pula Canhada;
• A las reserbas de un porgrama de atebidades i/ó de un fin de semana temático puoden ser ajuntadas atebidades solas (nun cuntempladas no ampeço) ó outro porgrama de atebidades, que seran feitas an partes nas circunstâncias atrás screbidas.

Cunfirmaçon de las reserbas

La reserba fai-se segun l pagamiento de l balor total de la atebidade i/ó serbiço ó pula cobrança de ua pré-reserba, cobrada diretamente al cliente ne l momento de la reserba. L balor de sobra ye pago pul cliente diretamente a la Douro Pula Canhada, antes de l ampeço de la atebidade i/ó serbiço.

Çpuis de recebir la paga atrás referida, la Douro Pula Canhada antrará an cuntato cun l cliente.

Çcuntos

• Ninos (até 2 anhos de eidade, anclusibo) nun págan qualquiera atebidade;
• Ninos cun eidades que báian até antre ls 3 i 10 anhos de eidade ténen dreito a 50% de çcunto ne l précio final;
• Ninos cun eidades que báian até antre ls 11 i 15 anhos de eidade ténen dreito a 25% de çcunto ne l  précio final;
• Grupos cun mais de 7 adultos, ténen dreito a un çcunto de 10% ne l balor de(ls) porgrama(s) de atebidades i/ó fin de semana temático scolhidos.

Recusa i reambolso

Reserbamos-mos l dreito de mudar ó cerrar porgramas de atebidades i/ó fins de semana temáticos ne l caso de: las cundiçones de l tiempo nun fúren las melhores; nun se haber chegado al númaro mínimo de anscriçones; acuntecíren amprebistos que nun ténen a ber cun la nuossa responsablidade; ser puosta an causa la segurança i/ó antegridade de ls partecipantes, eiquipamientos i/ó haberes. Nessas situaçones, ls partecipantes seran nistante anformados i reambolsados de l balor de la anscriçon, ne l caso de nun pretendéren puoden trocar la atebidade que nun fazírun por outra que puodan fazer. Nun mos culpamos por mais çpesas que béngan a mais i que téngan sido feitas puls partecipantes anscrebidos.

Ls partecipantes anscrebidos nas atebidades de ½ die ó 1 die que deséian cerrar las mesmas, deberan faze-lo antes de las 72 horas (3 dies) pul telfone ó e-mail. Para las atebidades, porgramas de atebidades i fins de semana temáticos, cun bários dies, la recusa deberá ser feita antes de las 120 horas (5 dies). La recusa de qualquier atebidade, porgrama de atebidades ó fin de semana temático, que stában assujeitados al pagamiento de la anscriçon ó pré-reserba, nun cuntempla l reambolso desse balor, a nun ser que la recusa seia feita drento de ls prazos acordados. Inda poderá scolher por trasferir la anscriçon para ua outra atebidade, porgrama de atebidades ó fin de semana temático, que querga fazer, assi cumo para outro partecipante, dezde que seia comunicado a tiempo a la Douro Pula Canhada.

Ls serviços prestados a la Douro Pula Canhada, puls sous parceiros, staran assujeitados a termos i cundiçones própios.

Cumportamento

La Douro Pula Canhada dá a coincer atebidades de ecoturismo, de patrimonho natural, cultural i ambiental. Speramos un cumportamento de respeito pula natureza i modos de bida de ls sítios de bejita, por parte de ls partecipantes nas nuossas atebidades.

Al bejitar zonas portegidas, respeitamos i acunselhamos ls partecipantes a respeitar l código de conduta de las zonas portegidas, feitas pul ICNF. Reserbamos-mos ne l dreito de anterromper ó a cerrar ua ó mais atebidades se birmos cumportamentos que nun respeiten esta filosofie i regras de conduta que fúrun feitas.

Restouraçon

La Douro Pula Canhada nun ten un serbício própio de restouraçon, dregindo-se a serbícios de fuora pra tal. Nun mos respunsablizamos por possibles malas prestaçones de serbícios nesta área. Nestes causos deberá apersentar reclamaçones al responsable por este serbício.

Segredo de ls dados

Ls dados pessonales screbidos ne l formulairo de la anscriçon, na subscriçon de newsletter i ne l pedido de anformaçones, seran tratados de maneira secreta, çtinando-se a la fin andicada i a la abaliaçon de donde bénen ls bejitantes. La anformaçon arrecolhida nun será outlizada pra outros finales alhá de ls que yá fúrun ditos i nun será amostrada a treceiros. Poderá modar ó pedir l zarriscamiento de ls buossos dados pessonales, mandando-mos un e-mail.

Retratos i bídios

Durante las nuossas atebidades poderemos fazer recuolha de bídeo i eimaige pa la dibulgaçon de la ampresa. Se deseardes que esta anformaçon nun seia çponiblizada débeis-mos dezir atampadamiente.

Licéncias i Seguros

La Douro Pula Canhada ten l registro RNAAT n.º 215/2012 de l Turismo de Pertual, I.P. Las sues atebidades son recoincidas cumo Turismo de la Natureza.

Ls précios de las atebidades, porgramas de atebidades i fins de semana temáticos ténen ls seguros de acidentes pessonales i de respunsablidade cevil. Ls balores de capital cobiertos puls seguros stan an cunformidade cun l DECRETO LEI n.º 108/2009 de 15 de Maio, que cria las cundiçones de acesso i de l eisercício de las ampresas de animaçon turística.

Reclamaçones

La Douro Pula Canhada ten lhibro de Reclamaçones i modera a la ASAE.

Resoluçon de antrequidéncias de cunsumo

Se houvir algun porblema, l cunsumidor puode deregir-se a esta Antidade de Resoluçon Alternatiba de Litígios de Cunsumo: CNIACC - Centro Nacional de Informação e Arbitragem de Conflitos de Consumo

Morada: Faculdade de Direito da Universidade Nova de Lisboa - Campus de Campolide, 1099-032 Lisboa, Portugal

Tel.: (+351) 213 847 484 - E-mail: cniacc@unl.pt - Web: http://www.arbitragemdeconsumo.org

Mais anformaçones an Portal de l Cunsumidor.

Causos scundidos

Ls causos scundidos nestes termos i cundiçones deveran ser çcutidos cun la ampresa i assujeitado a las leis pertuesas de agora.

Acunselhamos a la leitura de la parte BUONAS PRÁTICAS.