Bien benido al nordeste trasmontano, ua tierra onde la arte an saber recebir de la giente cumpleta un cenário de rara beleza natural i de grande riqueza cultural, cun milhares de anhos de stória. Nesta paisaige nace la Douro Pula Canhada, cun la spriência i l coincimiento neçairos, para que puoda çcobrir la biodibersidade de la tierra, assi cumo ls sous aspetos rurales, culturales i arquitetónicos, nun  meio de diberson i de respeito pula natureza.

La nossa percipal ourientaçon ye amostrar dua forma única l grande patrimonho natural i stórico-cultural de la region de l Parque Natural de l Douro Anternacional, an cuncreto de l Praino Mirandés.

Loinge de l mobimiento i de las correries de las grandes cidades, zambulbemos atebidades, porgramas de atebidades i fins de semana temáticos onde la eimoçon arrepassa l sperado de ls turistas i ampresas que precúran salir de l ritmo fuorte de l trabalho ou de l stilo de bida urbano. Bamos a saber de l çcanso i de l bien star an plena perséncia cun la flora i fauna de la region, balorizando  l cuntato cun l meio rural, cun las gientes, l artesanato, la gastronomie, las tradiçones i fiestas regionales.

Abinturai-bos alhá de ls caminos turísticos coincidos. Bibei spriências únicas i berdadeiras cun la Douro Pula Canhada i marabilhai-bos nua region de suonho, que ciertamente bos irá puxar pula eimaginaçon atrabeç de ls sentidos.